مہاراشٹر حکومت کا لاڈلی بہن اسکیم میں بڑی تبدیلی

ممبئی( محمد ریحان )مہاراشٹر حکومت نے وزیر اعلیٰ لاڈلی بہن اسکیم میں ایک اہم فیصلہ کیا ہے۔ اب اس اسکیم کے تحت درخواستیں ‘آپلا سیوا کیندر’ اور دیگر اداروں کے ذریعے قبول نہیں کی جائیں گی۔ نئی درخواستیں صرف انگن واڈی سیوکوں کے ذریعہ ہی جمع کی جائیں گی۔ حکومت نے اس سلسلے میں ایک سرکاری حکم (جی آر) جاری کیا ہے، جس میں واضح کیا گیا ہے کہ لاڈلی بہن اسکیم کی درخواستیں صرف انگن واڈی سیوکوں کے ذریعے لی جائیں گی۔ پہلے اس اسکیم کے لئے درخواستیں وصول کرنے کے لیے 11 مجاز افراد تھے، مگر اب ان کے اختیارات ختم کر دیے گئے ہیں، جس سے درخواستوں کا عمل اب محدود ہو جائے گا۔حکومت نے درخواستیں قبول کرنے کے اختیارات درج ذیل افراد سے واپس لے لیے ہیں:

1. آشا سیویکا

2. سیٹو سروس سینٹر

3. آپلا سرکار سیوا کیندر

4. گروپ تنظیم

5. سی آر پی کے تحت شہری-دیہی لائیولہوڈ مشن

6. مدد کمرشل انچارج

7. سٹی مشن منیجر

8. گرام سیوک

حکومت کے حکم کے مطابق، درخواستوں کی تعداد میں کمی آنے کی وجہ سے اب درخواستیں صرف انگن واڈی سیوکوں کے ذریعے ہی لی جائیں گی۔ اس تبدیلی سے اسکیم کی کارکردگی متاثر ہو سکتی ہے، اور منتظمین کی شمولیت سے پیدا ہونے والی ناراضگی آئندہ کے لئے درخواستوں کے عمل میں مشکلات پیدا کر سکتی ہے۔