شمال مشرقی ممبئی لوک سبھا حلقہ کے لیے انتخابی منشور ۔۔۔ ہیلتھ ،ماحولیات،سیاحت،انصاف،ایجوکیشن ،خواتین اور سب کے لیے گھر اور پانی

ممبئی ۔ شمال مشرقی ممبئی لوک سبھا حلقہ کے مہاوکاس اگھاڑی کے امیدوار سنجے دینا پاٹل نے انتخابی منشور جاری کردیا ہے جس میں انھوں نے ہیلتھ ،ماحولیات ،سیاحت ،انصاف،ایجوکیشن ،خواتین اور سب کے لیے گھر اور پانی کے علاوہ عوام سے ترقیاتی مدعو پر وعدہ کیا ہے ۔انھوں نے کہا کہ آل انڈیا انسٹی ٹیوٹ آف میڈیکل سائنس (AIIMS) کی طرز پر شمال مشرقی ممبئی میں ایک جدید ترین ہسپتال اور میڈیکل کالج بنایا جائیگا ۔سرکاری اور میونسپل اسپتالوں کی تزئین و آرائش اور نچلی سطح پر عام، ضرورت مند شہریوں کو طبی سہولیات فراہم کرنا اولین ترجیح ہوگی ۔نمک کی زمین کی حفاظت اور تحفظ کیا جائیگا، مینگرووز کو تباہ نہیں ہونے دیا جائے گا۔ اس کی حیاتیاتی تنوع کا تحفظ اورشمال مشرقی ممبئی کی گرین بیلٹ کو محفوظ اور بڑھایا جائیگا ۔فلیمنگو ریزرو زون اور فلیمنگو پرندوں کے تحفظ کے لیے فلیمنگو پارک بنایا جائیگا ۔نیویارک کے سینٹرل پارک کی طرز پر ڈمپنگ گراؤنڈ میں ایک بڑا نیچر پارک بنایا جائیگا ۔وکھرولی میں سیشن اور سٹی سول کورٹ شروع کرنے کی کوشش کی جائیگی۔دھاراوی پروجیکٹ کے اہل اور نااہل شہریوں کی دوبارہ آبادکاری کو مرکزی حکومت کے دائرہ اختیار کی نمک کی زمین پر نہیں ہونے دیا جائیگا۔انڈر گریجویٹ اور پوسٹ گریجویٹ طلباء کے لئے اچھی طرح سے لیس طلباء ہاسٹل بنایا جائیگا ۔آئی اے ایس، IPS وغیرہ کی تیاری کے لیے بالا صاحب ٹھاکرے مسابقتی امتحان گائیڈنس سینٹربنایا جائیگا۔ہر اسمبلی کے مرکزی حصے میں ایک اچھی طرح سے لیس لائبریری اور ڈیجیٹل لائبریری قائم کی جائے گی۔نوکری پیشہ کرنے خواتین کے لیے ورکنگ ویمن ہاسٹل،مرکزی اسکیموں کے ذریعے کچی آبادیوں میں خواتین کے لیے مزید بیت الخلا کی سہولیات کی جائیگی۔ریلوے اسٹیشنوں اور شاہراہوں پر خواتین کے لیے ای ٹوائلٹس، کچی آبادیوں کی بحالی کے رکے ہوئے منصوبوں کو ٹریک پر لانے اور ہر ایک کو ان کا اپنا گھر دینے کے لیے اعلیٰ سطح پر موثر کارروائی کی جائیگی۔ہر گھر کو صاف پانی فراہم کیا جائے گا چاہے وہ عمارت ہو یا بیٹھی چال یا کچی آبادی ہو۔