ابھیجات زبان کیا ہوتی ہے ؟اس کا فائدہ کیا ہے؟ 'م ٹائمز کی خصوصی رپورٹ' مراٹھی زبان کو "ابھیجات" زبان کا درجہ

ممبئی، 3 اکتوبر 2024،مرکزی حکومت نے آج ایک اہم اعلان کرتے ہوئے مراٹھی زبان کو "ابھیجات" زبان کا درجہ دے دیا ہے، جس کے بعد یہ بھارت کی چھٹی زبان بن گئی ہے جسے یہ اعزاز حاصل ہوا ہے۔ اس سے پہلے سنسکرت، تمل، تیلگو، کنڑ، ملیالم، اور اوڑیہ کو ابھیجات زبان کا درجہ دیا گیا تھا۔ حکومت کے مطابق، مراٹھی زبان کی قدیم تاریخ، ادبی ورثہ اور خودمختار ادبی روایت کو دیکھتے ہوئے یہ فیصلہ لیا گیا ہے۔

ابھیجات زبان کیا ہے؟ 

ابھجات زبان کا درجہ ان زبانوں کو دیا جاتا ہے جو تاریخی طور پر بہت قدیم ہوں اور ان کی ادبی روایت اور ورثہ منفرد ہو۔ مرکزی حکومت اس درجہ کے تحت ان زبانوں کی ترقی، تحفظ، اور مطالعہ کے لیے خصوصی فنڈز اور منصوبے فراہم کرتی ہے۔ مراتھی زبان کو اس کی امیر ادبی روایت اور تاریخی اہمیت کی وجہ سے یہ قابل احترام درجہ دیا گیا ہے۔

ابھیجات زبان کے فوائد: 

مرکزی حکومت نے واضح کیا کہ ابھجات زبان کا درجہ حاصل کرنے کے لیے کچھ سخت معیار مقرر کیے گئے ہیں، جیسے کہ زبان کا قدیم اور جدید دونوں شکلوں میں وجود ہونا، وسیع ادبی ورثہ رکھنا، اور آزاد ادبی روایت کا حامل ہونا۔ ان معیاروں کو پورا کرنے والی زبانوں کو تحفظ اور تحقیق کے لیے مالی مدد فراہم کی جاتی ہے، جس سے ان زبانوں کی ادب، ثقافت، اور تاریخ کا تحفظ اور فروغ ممکن ہوتا ہے۔

مراتھی زبان کو ابھیجات زبان کا درجہ ملنے کے بعد، اس کی ادبی، ثقافتی اور تاریخی وراثت کے تحفظ کے لیے حکومت کی طرف سے خصوصی فنڈز اور منصوبے شروع کیے جائیں گے۔ اس فیصلے سے مراتھی زبان کے فروغ میں مزید بہتری آئے گی اور اس کے مطالعہ اور تحقیق کو بڑھاوا ملے گا۔

حکومت کا مقصد ان زبانوں کی تاریخی اور ثقافتی وراثت کو محفوظ رکھنا ہے تاکہ آنے والی نسلیں ان سے فیض یاب ہو سکیں۔